XƏBƏR LENTİ
29 Mart 2024
27 Mart 2024
26 Mart 2024
25 Mart 2024



III Avropa Oyunları: Kazan yoxsa Katovitse?
Olimpiya Hərəkatı 12:09 / 14.05.2019

2023-cü il III Avropa Oyunlarının məkanı Avropa Olimpiya Komitələrinin (EOC) Belarusun paytaxtı Minskdəki Növbədənkənar Baş Assambleyasında müəyyənləşəcək.
Bu barədə TASS-a müsahibəsində Avropa Olimpiya Komitələrinin (EOC) prezidenti Yanez Kotsiyançiç bildirib. Sloveniyalı funksioner deyib ki, iclas Minsk-2019 II Avropa Oyunları ərəfəsində gerçəkləşəcək. Kotsiyançiç bir neçə şəhərin Oyunlara ev sahibliyi etmək istəyini ifadə etdiklərini bildirib: "Namizədlərdən ərizə qəbulu üçün açıq prosedur mövcuddur. Bir neçə şəhər Oyunların təşkilatçısı olmaq istədiyini açıqlayıb. Minsk-2019 ərəfəsində EOC-un Növbədənkənar Baş Assambleyası keçiriləcək və biz növbəti Oyunların ev sahibini seçəcəyik. Ərizə qəbulu proseduru açıq olduğundan, namizədləri hələlik açıqlamaq istəməzdim. Amma xüsusi maraq göstərən iki şəhər var. Səsvermə qapalı olacaq. Bu səbəbdən, 50 Milli Olimpiya Komitəsi qarşısında namizədləri açıqlamaq və kiməsə üstünlük vermək düzgün olmazdı".
Hazırda III Avropa Oyunlarını keçirməyə Rusiyanın Kazan və Polşanın Katovitse şəhərlərinin iddialı olduqları bildirilir.
Qeyd edək ki, Minsk-2019 II Avropa Oyunları 21 - 30 iyunda keçiriləcək. İlk Avropa Oyunları isə 2015-ci il 12 - 26 iyunda Bakıda təşkil olunub.


49350 oxunub

InvestAZ