İki ölkə birlikdə çıxış edəcək
Olimpiya oyunları 11:01 / 18.02.2019
Koreya Respublikası və Koreya Xalq Demokratik Respublikası (KXDR) 2020-ci ildə Tokioda keçiriləcək Yay Olimpiya Oyunlarının açılış mərasimində birgə iştirak etməkdə maraqlıdırlar. Bu barədə Beynəlxalq Olimpiya Komitəsinin (BOK) prezidenti Tomas Bax məlumat verib. "Biz, həmçinin "Tokio-2020”də müxtəlif növlərdə birləşmiş komandaların yaradılmasını istəyirik”, - deyə T. Bax əlavə edib.
Ötən ilin sentyabrında Pxençanda Koreya Respublikasının prezidenti Mun Ce-in və KXDR-in lideri Kim Çen In 2032-ci il Yay Olimpiadasının hər iki ölkə ərazisində keçirilməsi ilə bağlı razılığa gəliblər. Bu məqsədlə BOK-a rəsmi məktub da göndərilib. Koreya Respublikasında artıq iki dəfə Olimpiada keçirilib. Belə ki, 1988-ci ildə Seulda Yay, 2018-ci ildə Pxençanda Qış Olimpiya Oyunları təşkil olunub.
İki Koreya ölkəsinin artıq bu sahədə müəyyən təcrübəsi var. Ötən il fevralın 9-da KXDR və Koreya Respublikası yığmalarının nümayəndələri vahid Koreya bayrağı altında "Pxençan-2018” Olimpiadasının açılış mərasimində idmançıların paradında iştirak ediblər. Bundan başqa, Koreya Respublikasının və KXDR-in qadınlardan ibarət birləşmiş xokkey komandası Olimpiya turnirində yarışıblar. 2018-ci ilin Asiya Oyunlarında da hər iki ölkəni təmsil edən bir neçə birləşmiş komanda mübarizə aparıb.
37241 oxunub
.jpg)
