XƏBƏR LENTİ
11 Avqust 2020
10 Avqust 2020
09 Avqust 2020
08 Avqust 2020
07 Avqust 2020



Atletimiz finalda
Olimpiya oyunları 11:19 / 24.07.2019

XV Avropa Gənclər Yay Olimpiya Festivalının atletika yarışları davam edir. Bu gün səhər sessiyasında Azərbaycan yığmasının üç üzvü mübarizəyə qoşulub. Qızların üçtəkanla tullanma yarışında Sabrina Jralova təsnifat mərhələsində qüvvəsinə sınayıb. B qrupunda çıxış edən atlet 12,23 m tullanıb. 16 yaşlı təmsilçimiz 9-cu yeri tutaraq final mərhələsinə yüksəlib. Həlledici raund iyulun 26-da keçiriləcək və saat 18:10-da start götürəcək. Qaçış zolağına çıxan iki təmsilçimiz isə mübarizəni dayandırıb. Lamiyə Vəliyeva qızların 200 m məsafəyə qaçışında I mərhələdə qüvvəsini sınayıb. 25,06 saniyə göstəriciyə imza atan atletimiz 20 iştirakçı arasında 14-cü yeri tutub.
Oğlanların eyni məsafəyə qaçışında isə ölkəmizi Əli Abdıyev təmsil edib. O, I mərhələni 22,63 saniyəyə qaçıb. Atletimiz 19 iştirakçı arasında 14-cü yeri tutub.
Qeyd edək ki, bu gün daha bir idmançımız azarkeşlər önünə çıxacaq. Aydın Bədəlov oğlanların hündürlüyə tullanma yarışında təsnifat mərhələsinin B qrupunda çıxış edəcək.

5937 oxunub

InvestAZ