Qılıncoynatmanın sablya növü üzrə qadınlardan ibarət milli komandamızın üzvü Anna Başta Parisdə keçiriləcək Yay Olimpiya Oyunlarında iştirak edəcək.
Azərbaycan Qılıncoynatma Federasiyasının mətbuat xidmətindən verilən məlumata görə, Beynəlxalq Qılıncoynatma Federasiyası (FIE) Azərbaycana qılıncoynatmanın sablya növü üzrə qadınların şəxsi yarışında Paris-2024-də iştirak hüququ verən "universal lisenziya" göndərib. Lisenziya olimpiadaya vəsiqə qazanmayan qadın sablyaçılar arasında yüksək reytinqə malik Anna Baştaya verilib.
Bu, ölkəmizin qılıncoynatma növündə təmsil olunacağı ardıcıl 4-cü, ümumilikdə isə 5-ci olimpiada olacaq.
Xatırladaq ki, daha əvvəl Yelena Jemayeva, Səbinə Kərimova və Anna Başta 4 illiyin zirvə yarışında qadın sablyaçıların şəxsi yarışında ölkəmizi təmsil edib.
Qeyd edək ki, bununla da Azərbaycanın Paris-2024-ə qazandığı lisenziyaların sayı 27-yə çatıb.
5393 oxunub