SON XƏBƏRLƏR

BÜTÜN XƏBƏRLƏR

Bakıda keçiriləcək cüdo üzrə dünya çempionatına həsr olunmuş mətbuat konfransı keçirilib

Bakıda keçiriləcək cüdo üzrə dünya çempionatına həsr olunmuş mətbuat konfransı keçirilib   

İdman

Bugün, 14:48

Bu gün oktyabrın 4-11-də Bakıda keçiriləcək cüdo üzrə dünya çempionatına həsr olunmuş mətbuat konfransı təşkil olunub.

Olimpiyadunyasi.com xəbər verir ki, tədbirdə Azərbaycan Cüdo Federasiyasının (ACF) vitse-prezidenti Elnur Məmmədli, ACF-nin icraçı vitse-prezidenti Rəşad Rəsullu, Gənclər və İdman Nazirliyinin İdman şöbəsinin müdiri Elnur Məmmədov, Milli Olimpiya Komitəsinin nümayəndələri, media mənsubları və qonaqlar iştirak ediblər.

Əvvəlcə dünya çempionatının rəsmi loqosunun təqdimat videosu və yarışın tanıtım çarxı nümayiş olunub.

Mətbuat konfransında çıxış edən ACF-nin icraçı vitse-prezidenti Rəşad Rəsullu bildirib ki, səkkiz ildən sonra böyüklər arasında dünya çempionatının yenidən Azərbaycanda keçirilməsi ölkə cüdosu üçün mühüm hadisədir.

"Bu il Bakı idman paytaxtıdır. Belə mötəbər yarışın məhz paytaxtımızda keçirilməsi xüsusi əhəmiyyət daşıyır. Dünya çempionatını indiyədək keçirilmiş ən yaxşı çempionatlardan birinə çevirmək əsas hədəfimizdir. Bu işdə medianın dəstəyi xüsusi rol oynayacaq və azarkeş marağının artmasına ciddi töhfə verəcək", – deyə o bildirib.

R.Rəsullu qeyd edib ki, dünya çempionatının yüksək səviyyədə təşkili üçün Gənclər və İdman Nazirliyi, Milli Olimpiya Komitəsi, Beynəlxalq Cüdo Federasiyası və tərəfdaş qurumlarla sıx əməkdaşlıq aparılır.

Federasiya rəsmisi bilet satışının iyulun 2-dən başladığını xatırladaraq əlavə edib: "Bu günə qədər 670 bilet satılıb. Satılan biletlərin təxminən 80 faizi xarici ölkələrdən alınıb. Artıq 20-yə yaxın ölkədən cüdosevərlər yarış üçün bilet əldə ediblər. Bu da dünya çempionatına beynəlxalq marağın yüksək olduğunu göstərir."

O, Beynəlxalq Cüdo Federasiyasının yarışın rəsmi əsasnaməsini dərc etdiyini də diqqətə çatdırıb: "Əsasnamədə media akkreditasiyası ilə bağlı bütün prosedurlar ətraflı göstərilib. Jurnalistlərdən xahişimiz odur ki, akkreditasiya üçün mümkün qədər tez müraciət etsinlər."

R.Rəsullunun sözlərinə görə, Bakıda keçiriləcək dünya çempionatında 80-90 ölkədən 600-dən çox cüdoçunun iştirakı gözlənilir. O bildirib ki, yarışda yalnız dünya reytinqində ilk 100-lükdə qərarlaşan idmançılar mübarizə aparacaq, təşkilatçı ölkə kimi Azərbaycan isə müəyyən imtiyazlardan yararlanacaq.

Federasiya rəsmisi həmçinin Yaponiya və Fransanın heyətlərini artıq açıqladıqlarını qeyd edərək bildirib: "Teddi Riner, Hifumi Abe, Uta Abe və digər tanınmış cüdoçuların Bakıda çıxışı dəqiqləşib. Dünya çempionatı reytinq xarakterli olduğuna görə, demək olar ki, bütün aparıcı idmançılar iştirak edəcəklər."

Azərbaycan millisinin hazırlığından danışan R.Rəsullu bildirib ki, komandanın hazırlığı Paris Olimpiadasından dərhal sonra başlayıb və plan üzrə davam edir.

"Hazırda kişilərdən ibarət yığma Şəkidə, qadınlardan ibarət komanda isə Şamaxıda hazırlıq keçir. Qarşıdakı mərhələlərdə Qazaxıstan və Xorvatiyada təlim-məşq toplanışları, həmçinin beynəlxalq yarışlarda iştirak nəzərdə tutulur. Dünya çempionatı üçün yekun heyət sentyabr ayında son reytinq yarışlarından sonra müəyyənləşdiriləcək", - deyə o vurğulayıb.

Sonda media nümayəndələrinin sualları cavablandırılıb.

Dİgər xəbərlər

Rəşad Rəsullu: \"Dünya çempionatı komandamızın hazırkı səviyyəsini qiymətləndirmək baxımından böyük əhəmiyyət daşıyır\" 

Bugün, 13:20

Rəşad Rəsullu: "Dünya çempionatı komandamızın hazırkı səviyyəsini qiymətləndirmək baxımından böyük əhəmiyyət daşıyır"

Cüdo üzrə dünya ulduzları Bakıya gələcək  

Bugün, 13:09

Cüdo üzrə dünya ulduzları Bakıya gələcək

Dünya çempionatında 90-a yaxın ölkədən 600-dən çox cüdoçunun iştirak edəcəyi gözlənilir    

Bugün, 12:59

Dünya çempionatında 90-a yaxın ölkədən 600-dən çox cüdoçunun iştirak edəcəyi gözlənilir

Rəşad Rəsullu: \"İndiyədək 20-yə yaxın ölkədən cüdo həvəskarları yarış üçün bilet əldə edib\" 

Bugün, 12:42

Rəşad Rəsullu: "İndiyədək 20-yə yaxın ölkədən cüdo həvəskarları yarış üçün bilet əldə edib" 
Rəşad Rəsullu: \"Məqsədimiz bu dünya çempionatını ən yüksək səviyyədə təşkil etməkdir\"

Bugün, 12:33

Rəşad Rəsullu: "Məqsədimiz bu dünya çempionatını ən yüksək səviyyədə təşkil etməkdir"
Bakıda keçiriləcək dünya çempionatında rekord sayda iştirakçı

Bugün, 10:57

Bakıda keçiriləcək dünya çempionatında rekord sayda iştirakçı
Avarçəkmə və kanoe üzrə açıq Bakı çempionatı keçiriləcək

Bugün, 10:27

Avarçəkmə və kanoe üzrə açıq Bakı çempionatı keçiriləcək
\"Qarabağ\" Avropa Liqasında cavab oyununa çıxır

Bugün, 10:07

"Qarabağ" Avropa Liqasında cavab oyununa çıxır
Dünya çempionatının növbəti finalçısı müəyyənləşir

15.07.2026, 10:08

Dünya çempionatının növbəti finalçısı müəyyənləşir
İspaniya Dünya çempionatının finalına vəsiqə qazandı

15.07.2026, 00:06

İspaniya Dünya çempionatının finalına vəsiqə qazandı
 Mingəçevirdə \"Kürü keçək?! 5\" açıq suda kütləvi üzmə yarışı keçiriləcək 

14.07.2026, 13:51

Mingəçevirdə "Kürü keçək?! 5" açıq suda kütləvi üzmə yarışı keçiriləcək

Güləşçilərimiz Budapeştdə ilin son reytinq turnirində çıxış edəcəklər 

14.07.2026, 11:14

Güləşçilərimiz Budapeştdə ilin son reytinq turnirində çıxış edəcəklər