SON XƏBƏRLƏR

BÜTÜN XƏBƏRLƏR

Rəşad Rəsullu: "Dünya çempionatı komandamızın hazırkı səviyyəsini qiymətləndirmək baxımından böyük əhəmiyyət daşıyır"

Rəşad Rəsullu: \"Dünya çempionatı komandamızın hazırkı səviyyəsini qiymətləndirmək baxımından böyük əhəmiyyət daşıyır\" 

İdman

Bugün, 13:20

"Azərbaycanın kişi və qadınlardan ibarət cüdo yığmaları dünya çempionatına hazırlığı plan üzrə davam etdirir".

Olimpiyadunyasi.com xəbər verir ki, bunu Azərbaycan Cüdo Federasiyasının icraçı vitse-prezidenti Rəşad Rəsullu dünya çempionatına həsr olunmuş mətbuat konfransında deyib.

Federasiya rəsmisinin sözlərinə görə, Azərbaycan milli komandası Bakıda keçiriləcək dünya çempionatına hazırlığa hələ Paris-2024 Yay Olimpiya Oyunlarından sonra başlayıb:

"Bu, dördillik hazırlıq proqramının mühüm mərhələsidir. Əsas hədəfimiz Olimpiya Oyunları olsa da, Bakıda keçiriləcək dünya çempionatı komandamızın hazırkı səviyyəsini qiymətləndirmək baxımından böyük əhəmiyyət daşıyır. Yarışın doğma meydanda keçirilməsi həm federasiya, həm məşqçilər, həm də idmançılar üçün əlavə məsuliyyət yaradır. Hər kəs bu məsuliyyəti dərk edir və hazırlığını buna uyğun qurur".

R.Rəsullu bildirib ki, milli komanda il ərzində çoxsaylı təlim-məşq toplanışları keçib və beynəlxalq turnirlərdə uğurla çıxış edib.

"Komandamız Beynəlxalq Cüdo Federasiyasının Dünya Turu yarışlarında əldə olunan nəticələrə görə iki dəfə Yaponiyadan sonra ikinci yeri tutub. Ümumi reytinqdə isə ilk beşlikdə qərarlaşmışıq. Bu göstəricilər hazırlıq prosesinin düzgün istiqamətdə getdiyini nümayiş etdirir. Lakin dünya çempionatı tamamilə fərqli səviyyəli yarışdır və burada hər idmançı ən yüksək formada çıxış etməyə çalışacaq",- deyə Rəşad Rəsullu qeyd edib. 

Federasiya rəsmisi hazırda kişilərdən ibarət əsas komandanın Şəkidə fiziki hazırlıqla bağlı təlim-məşq toplanışında olduğunu bildirib:

"Zədəli idmançılar fərdi proqram əsasında Yaponiyada məşq edirlər. Ayın sonunda komanda Bakıya qayıdacaq, daha sonra isə avqust ayında Qazaxıstanda keçiriləcək beynəlxalq təlim-məşq toplanışına qatılacaq. Toplanışda Qazaxıstan, Yaponiya, Özbəkistan və Rusiyadan idmançıların iştirakı gözlənilir. Bundan sonra yığmamız Qazaxıstan və Macarıstanda keçiriləcək "Böyük Dəbilqə" turnirlərində mübarizə aparacaq. Dünya çempionatı üçün yekun heyət də məhz bu yarışlardan sonra müəyyənləşdiriləcək".

Rəşad Rəsullu qadınlardan ibarət yığmanın hazırlıq proqramı barədə də məlumat verib.

"Qadınlardan ibarət komandamız hazırda Şamaxıda fiziki hazırlıq toplanışındadır. Daha sonra yığma Qazaxıstan və Xorvatiyada keçiriləcək təlim-məşq toplanışlarına qatılacaq. "Böyük Dəbilqə" turnirlərindən sonra onların da dünya çempionatı üçün heyəti müəyyənləşəcək. Sentyabr ayında Bakıda dünya çempionatı ərəfəsində beynəlxalq təlim-məşq toplanışının keçirilməsi planlaşdırılır. Sparrinq tərəfdaşlarının olması bizim üçün çox vacibdir. Almaniya və Türkiyə də daxil olmaqla bir sıra ölkələr artıq bu hazırlıq prosesində iştirak etməyə razılıq veriblər", - deyə Rəşad Rəsullu bildirib. 

Dİgər xəbərlər

Bakıda keçiriləcək cüdo üzrə dünya çempionatına həsr olunmuş mətbuat konfransı keçirilib   

Bugün, 14:48

Bakıda keçiriləcək cüdo üzrə dünya çempionatına həsr olunmuş mətbuat konfransı keçirilib

Cüdo üzrə dünya ulduzları Bakıya gələcək  

Bugün, 13:09

Cüdo üzrə dünya ulduzları Bakıya gələcək

Dünya çempionatında 90-a yaxın ölkədən 600-dən çox cüdoçunun iştirak edəcəyi gözlənilir    

Bugün, 12:59

Dünya çempionatında 90-a yaxın ölkədən 600-dən çox cüdoçunun iştirak edəcəyi gözlənilir

Rəşad Rəsullu: \"İndiyədək 20-yə yaxın ölkədən cüdo həvəskarları yarış üçün bilet əldə edib\" 

Bugün, 12:42

Rəşad Rəsullu: "İndiyədək 20-yə yaxın ölkədən cüdo həvəskarları yarış üçün bilet əldə edib" 
Rəşad Rəsullu: \"Məqsədimiz bu dünya çempionatını ən yüksək səviyyədə təşkil etməkdir\"

Bugün, 12:33

Rəşad Rəsullu: "Məqsədimiz bu dünya çempionatını ən yüksək səviyyədə təşkil etməkdir"
Bakıda keçiriləcək dünya çempionatında rekord sayda iştirakçı

Bugün, 10:57

Bakıda keçiriləcək dünya çempionatında rekord sayda iştirakçı
Avarçəkmə və kanoe üzrə açıq Bakı çempionatı keçiriləcək

Bugün, 10:27

Avarçəkmə və kanoe üzrə açıq Bakı çempionatı keçiriləcək
\"Qarabağ\" Avropa Liqasında cavab oyununa çıxır

Bugün, 10:07

"Qarabağ" Avropa Liqasında cavab oyununa çıxır
Dünya çempionatının növbəti finalçısı müəyyənləşir

15.07.2026, 10:08

Dünya çempionatının növbəti finalçısı müəyyənləşir
İspaniya Dünya çempionatının finalına vəsiqə qazandı

15.07.2026, 00:06

İspaniya Dünya çempionatının finalına vəsiqə qazandı
 Mingəçevirdə \"Kürü keçək?! 5\" açıq suda kütləvi üzmə yarışı keçiriləcək 

14.07.2026, 13:51

Mingəçevirdə "Kürü keçək?! 5" açıq suda kütləvi üzmə yarışı keçiriləcək

Güləşçilərimiz Budapeştdə ilin son reytinq turnirində çıxış edəcəklər 

14.07.2026, 11:14

Güləşçilərimiz Budapeştdə ilin son reytinq turnirində çıxış edəcəklər