XƏBƏR LENTİ
29 Mart 2024
27 Mart 2024
26 Mart 2024
25 Mart 2024



İki boksçumuz 1/8 finalda
İdman 20:46 / 04.05.2023

Özbəkistanın paytaxtı Daşkənddə boks üzrə dünya çempionatı davam edir. Yarışın dördüncü günündə - mayın 4-də Azərbaycan millisinin daha 2 idmançısı mübarizəyə qoşulub.

Yığmamızın üzvü Tural Sarıyev (48 kq) dünya çempionatında debüt görüşünü Al-Jaleel Jokhuya (Trinidad və Tobaqo) qarşı keçirib. O, rəqibini 4:1 hesabı ilə məğlub edərək səkkizdəbir finala vəsiqə qazanıb. T.Sarıyev növbəti qarşılaşmasında tailandlı Vuttiçai Yuraçaini sınağa çəkəcək. Döyüş mayın 8-nə təsadüf edəcək.

Dünya çempionatının mükafatçısı Məhəmməd Abdullayev (+92 kq) startda Ernandes Kruzla (Meksika) üz-üzə gəlib. Rəqibinə 5:0 hesabı ilə qalib gələn boksçumuz səkkizdəbir final mərhələsinə yüksəlib. O, ikinci döyüşündə tanzaniyalı Aleks Sulva ilə üz-üzə gələcək. Görüş mayın 7-də baş tutacaq.

Qeyd edək ki, 107 ölkədən 538 idmançının qatıldığı çempionat mayın 14-də bitəcək.



8073 oxunub

InvestAZ