.jpg)
İdman 19:00 / 06.11.2021
Heydər Əliyev adına İdman Sarayında keçirilən "Böyük dəbilqə” beynəlxalq turniri davam edir. Yarışların ikinci günündə Azərbaycanın daha 11 cüdoçusu mübarizəyə qoşulub.
Tatami üzərinə çıxan təmsilçilərimizdən ikisi turniri bürünc medalla başa vurub. Medalları komandamızın aktivinə Hidayət Heydərov (73 kq) və Elcan Hacıyev (81 kq) yazdırıblar.
Hidayət Heydərov (73 kq) ilk
qarşılaşmada almaniyalı Mixael Adamı məğlub etsə də, dörddəbir finalda rusiyalı
Mahmadbek Mahmadbekovla bacarmayıb. O, təsəlliverici görüşdə qırğızıstanlı
Ertut Turdubayevi məğlub edib. Cüdoçumuz bürünc medal görüşündə Almaniyanın
digər təmsilçisi Lukas Vennekoldanı da mübarizədən kənarlaşdıraraq üçüncü yeri
tutub.
Digər bürünc medalı 81 kiloqram çəki dərəcəsində
çıxış edən Elcan Hacıyev qazanıb. Belə ki, ilk qarşılaşmasında yaponiyalı
Yomişiçi Kamoçini məğlub etsə də, dörddəbir finalda türkiyəli Vedat Albayraka
uduzan cüdoçumuz təsəlliverici görüşdə macarıstanlı Atilla Unqvarini məğlub
edib. Bürünc medal uğrunda komanda yoldaşı Hasil Cəfərovla qarşılaşan E.Hacıyev
rəqibinə vazari xalı ilə qalib gələrək üçüncü yerə sahib çıxıb.
Xatırladaq ki, turnirin
birinci günündəklubumuzun yetirmələrindən Orxan Səfərov (66 kq) qızıl,
İçinxorloo Muntsxedev (57 kq) isə gümüş medala sahib olub.
Beləliklə, 1 qızıl, 1 gümüş və 3
bürünc medal qazanan Azərbaycan millisi aktivində 3 qızıl, 1 gümüş, 3 bürünc medal
olan Yaponiya komandasından sonra ikinci pillədə qərarlaşıb.
Qeyd edək ki, nüfuzlu yarışda ümumilikdə 29 ölkədən 196 cüdoçu (129 kişi, 67
qadın) mübarizə aparır. Azərbaycan millisi bu turnirdə 33 cüdoçu (25
kişi, 8 qadın) ilə təmsil olunur.
33578 oxunub
