Olimpiya heyətində daha bir COVİD-19 virusu aşkarlanıb
Olimpiya oyunları 13:07 / 25.06.2021
Yaponiyaya gələn Uqanda Olimpiya komandasının ikinci üzvü koronavirus testinin müsbət çıxması səbəbi ilə təcrid edilib. Bildirək ki, bir müddət əvvəl COVİD-19 virusu uqandalı məşqçilərin birində elə hava limanında aşkarlanmışdı. Baxmayaraq ki, həmin məşqçi peyvənd olunub və uçuşdan əvvəl onun koronavirus testi mənfi nəticə verib.
Tokioya gələn bu qrupun tərkibində 9 uqandalı vətəndaş var. Onlar boks, ağırlıqqaldırma, üzgüçülük idman növlərinin təmsilçiləri, eləcə də onların məşqçiləridir. İlk müsbət testin nəticəsindən sonra qrup heyəti mehmanxana otağında təcrid edilib və iyulun 3-dək oranı tərk etmək qadağan edilib.
Məlumata görə, aparılan yeni test nəticəsində daha bir uqandalıda COVİD-19 virusu aşkarlanıb.
42147 oxunub
.jpg)
