Çempiolar Liqası: Qrup mərhəlsində 3-cü tura yekun vuruldu

İdman 11:00 / 05.11.2020

UEFA Çempionlar Liqasında III turun son görüşləri keçirilib. İkinci oyun gününün 8 qarşılaşmasında qapılara 27 qol vurulub. E qrupunun hər iki görüşü məhsuldar alınıb. "Sevilya" İspaniyada Rusiyanın "Krasnodar" klubu ilə matçda əzmkar qələbə qazanıb - 3:2. Avropa Liqasının son qalibi buna azlıqda qaldığı halda nail olub. "Çelsi" isə İngiltərədə Fransanın "Renn" klubunu darmadağın edib - 3:0. Bu nəticələrdən sonra İngiltərə və İspaniya təmsilçiləri hərəyə 7 xalla liderliklərini davam etdiriblər.

F qrupunda Almaniyanın "Borussiya" (Dortmund) komandası Belçikada "Brügge" üzərində böyük hesablı qələbə qazanıb - 3:0. Qollardan ikisini istedadlı hücumçu Erlinq Holann vurub. Qrupun digər matçında isə "Zenit" Rusiyada İtaliya "Latsio"sunu büdrədib - 1:1.

G qrupunda "Barselona" İspaniyada Ukraynanın "Dinamo" (Kiyev) komandasını minimal fərqlə yenməyi bacarıbsa, İtaliya "Yuventus"u Macarıstanda "Ferentsvaroş"u darmadağın edib - 4:1.

H qrupundakı hər iki qarşılaşma isə sensasiya ilə nəticələnib. "Başakşehir" Türkiyədə "Mançester Yunayted"i, "Leyptsiq" isə Almaniyada Fransa PSJ-sini üstələməyi bacarıb. PSJ-nin yeganə qolunun müəllifi Anxel Di Maria 16-cı dəqiqədə penaltini yerinə yetirə bilməyib. Üstəlik, Paris komandası oyunu 9 futbolçu ilə başa vurmalı olub.

Çempionlar Liqası
Qrup mərhələsi
III tur

4 noyabr
E qrupu
00:00. "Sevilya” (İspaniya) – "Krasnodar” (Rusiya) - 3:2
Rakitiç, 42, En Nesiri, 69, 72 - Süleymanov, 17, Berq, 21 (pen.)
00:00. "Çelsi” (İngiltərə) – "Renn” (Fransa) - 3:0
Verner, 10 (pen.), 41 (pen.). Abraham, 50

F qrupu
21:55. "Zenit” (Rusiya) – "Latsio” (İtaliya) - 1:1
Yeroxin, 32 - Kaysedo, 82
00:00. "Brügge” (Belçika) – "Borussiya” (Dortmund, Almaniya) - 0:3
Azar, 14, Haaland, 18, 32

G qrupu
00:00. "Barselona” (İspaniya) – "Dinamo” (Kiyev, Ukrayna) - 2:1
Messi, 5 (pen.), Pike, 65 - Tsiqankov, 75
00:00. "Ferensvaroş” (Macarıstan) – "Yuventus” (İtaliya) - 1:4
Boli, 90 - Morata, 7, 60, Dibala, 73, Dvali, 81 (avtoqol)

H qrupu
21:55. "Başakşəhər” (Türkiyə) – "Mançester Yunayted” (İngilıtərə) - 2:1
Ba, 13, Viska, 40 - Martial, 43
00:00. "Leypsiq” (Almaniya) – PSJ (Fransa) - 2:1
Nkanku, 42, Forsberq, 56 - Di Maria, 6
31719 oxunub