.jpg)
İdman 16:31 / 08.07.2020
Altı il əvvəl bu gün Braziliya millisinin tarixində ən utancverici hadisəsi baş verib. Belə ki, 2014-cü ildə Belo Horizonte (Braziliya) şəhərinin "Mineyran" stadionunda dünya çempionatının yarımfinal qarşılaşmasında Almaniya yığması Braziliya millisini 7:1 hesabı ilə darmadağın edib.
Görüşdə Toni Kroos və Andre Şürrle dubl ediblər. Həmçinin oyunda Tomas Müller, Miroslav Kloze və Sami Xedira də fərqləniblər. Braziliyalıların yeganə qolunu isə Oskar vurub.
Bu qarşılaşma Braziliya tarixində ən böyük məğlubiyyət hesab olunur. Oyun isə dünya çempionatlarının ən məhsuldar yarımfinalına çevrilib. Almaniya millisi dünya çempionatının yarımfinalında yeddi qol vuran ilk komanda kimi tarixə düşüb. Final qarşılaşmasında isə almanlar 1:0 hesabı ilə Argentina yığmasına qalib gələrək dünya çempionu adını qazanıblar.
48950 oxunub
