İdman 19:54 / 09.05.2020
Bir müddət əvvəl dünyasını dəyişən futbolçu ilə bağlı araşdırmalar davam edir. Futbol agenti Dmitri Selyuk Moskvanın "Lokomotiv” klubun sistemində təlim keçmiş 22 yaşlı futbolçu İnnokentiy Samoxvalovun ölümü səbəbindən klubun rəhbərlərinin həbs edilməsini tələb edir. Daha əvvəl Selyuk Baş Prokurorluğa müraciət edərək futbolçunun ölüm faktı ilə bağlı cinayət işinin açılmasını xahiş edib. "Rusiyada bu cinayət işi hesab olunur. Düşünürəm ki, həqiqətən obyektiv araşdırma aparılsa, "Lokomotiv”in həkimi və baş direktoru həbs oluna bilərlər”, - deyə o bildirib. Bundan başqa, Selyuk qeyd edib ki, futbolçunun valideynləri klub rəhbərliyi tərəfindən təzyiqlərə məruz qalıblar. Buna görə də, araşdırmalar dayandırılıb.
Qeyd edək ki, o, aprelin 20-də fərdi məşq zamanı ürək tutmasından vəfat edib. Futbolçunun həyat yoldaşı və bir oğlu var.
29920 oxunub
