İdman 15:10 / 23.07.2019
İyulun 23-də "ABU Arena"da Avropa Gənclər Olimpiya Festivalının həndbol yarışlarının ikinci gününə start verilib. Yarışların ikinci günündə B qrupunda mübarizə aparan Azərbaycanın qızlardan ibarət həndbol komandası meydana çıxıb. Komandamız Macarıstan millisi ilə qarşılaşıb. Görüş Macarıstan həndbolçuların qələbəsi ilə başa çatıb - 23:47
Qeyd edək ki, həm qızların, həm də oğlanların həndbol yarışlarının hər birində səkkiz komanda iki qrupda yer alıb. Qızların yarışında A qrupunda İspaniya, Fransa, Hollandiya və Rumıniya, B qrupunda Azərbaycan, Çexiya, Macarıstan və İsveçrə yığmaları mübarizə aparırlar. Oğlanların mübarizəsində isə Azərbaycan, Danimarka, Almaniya və Serbiya milliləri A qrupunda, Xorvatiya, Fransa, İslandiya və Sloveniya seçmələri isə B qrupunda yer alıblar.
Həndbol yarışlarına iyulun 27-də yekun vurulacaq.
30176 oxunub
