İdman 16:50 / 12.02.2024
Türkiyənin İstanbul şəhərində atletika üzrə 28-ci Balkan Qış Çempionatı keçirilib. Paris-2024 Yay Olimpiya Oyunlarına lisenziya xarakterli yarışda 21 ölkədən 239 (131 kişi, 108 qadın) idmançı mübarizə aparıb.
Ölkəmiz yarışda 5 idmançı ilə təmsil olunub.
Atletlərimizdən Rüstəm Məmmədov üçtəkənla tullanma yarışlarında 10-cu (15.28 m), Kəsgin Abbaszadə uzunluğa tullanmada 13-cü (7.07 m), Əlhəm Nağıyev 60 m məsafəyə qaçışda 16-cı (7.01 san), Lamiyə Vəliyeva isə 400 m məsafəyə qaçışda 8-ci yeri (56.14 san) tutub.
Lamiyə Vəliyeva bu nəticə ilə U23 və böyüklər arasında yeni Azərbaycan rekordunu müəyyənləşdirib.
Üçtəkənla tullanma yarışlarında iştirak edən komandamızın digər üzvü Yekaterina Sarıyeva isə zədə səbəbi ilə mübarizəni yarımçıq dayandırıb.
6165 oxunub
.jpg)
