.jpg)
.jpg)
İdman 10:20 / 12.09.2022
Sentyabrın 14-18-də Serbiyanın Subotitsa şəhərində gənc oğlan və qız boksçular arasında beynəlxalq turnir keçiriləcək. Yarışda Azərbaycan millisi oğlan idmançıların mübarizəsində gücünü sınayacaq. Komandamız turnirdə baş məşqçi Elbrus Rzayev və məşqçi Vüqar Məmmədovun rəhbərliyi altında 12 boksçu ilə təmsil olunacaq. Serbiyada ölkəmizin idman şərəfini Kənan Babayev (48 kq), Amin Məmmədzadə (51 kq), Nadir Məlikov (57 kq), Tacı Tağızadə (60 kq), Səid Abdullayev (63,5 kq), Sənan Hətəmov (67 kq), Daniel Xolostenko (71 kq), Rza Rzazadə (75 kq), Fətəli İsmayılov (80 kq), Rəşid Məmmədov (86 kq), Məmməd Quliyev (92 kq) və Səbuhi Əlizadə (+92 kq) qoruyacaqlar. Subotitsaya sentyabrın 12-də yollanan yığmamız ayın 20-də Vətənə qayıdacaq.
Turnirdə 24 ölkədən 226 (176 oğlan, 50 qız) boksçu gücünü yoxlayacaq. Yarışın püşkatması bu gün keçiriləcək.
Qeyd edək ki, turnirdə iştirak dünya birinciliyinə hazırlıq xarakteri daşıyır.
26495 oxunub
.jpg)
