Bilyardın "Pool Nine Ball” növü üzrə Bakı şəhər çempionatı başa çatıb.
Bu barədə Azərbaycan Bilyard Federasiyasının (ABF) mətbuat xidmətindən məlumat verilib.
Yarış ABF-nin, Gənclər və İdman Nazirliyinin dəstəyi ilə keçirilib. Kişilər arasında Murad Fəttayev birinci yeri tutub. Elnur Nuriyev ikinci, Ruslan Əmiraslanov və Orxan Rzayev üçüncü olublar.
Qadınlardan Mina Nəsirova birinci yeri tutub. Zəhra Abbasova ikinci, Valeriya Konkina və Zəminə Yolçuzadə üçüncü pillədə qərarlaşıb.