.jpg)
İdman 23:32 / 14.05.2025
Azərbaycan Basketbol Liqasında 2024-25-ci illər mövsümünün qalibi adına aydınlıq gəlib.
Çempion Bakı idman sarayında keçirilən final seriyasının altıncı oyunundan sonra müəyyənləşib. Gərgin mübarizə şəraitdə keçirilən oyunda "Neftçi"yə 83:78 hesabı ilə qalib gələn Rimas Kurtinaytesin komandası final seriyasında ümumilikdə dördüncü qələbəsini qazanıb ki, bu da çempionluq üçün kifayət edib. Beləliklə, yekunda 4:2 hesabı ilə qələbə qazanan "Sabah" ardıcıl üçüncü dəfə çempion tituluna yiyələnib.
Final seriyasının ən dəyərli basketbolçusu (MVP) "Sabah" klubundan Hassani Qravet seçilib.
Qeyd edək ki, seriyanın əvvəlki oyunlarında "Sabah" 2:0 (94:89, 86:77 hesabı ilə irəli çıxsa da "ağ-qaralar” ardıcıl iki qələbə ilə (79:76, 84:66) tarazlığı bərpa etmişdi. Beşinci oyunda isə "Sabah" klubu 107:89 hesablı qələbə ilə seriyada yenidən irəli çıxmışdı.
15066 oxunub
.jpg)
