.jpg)
.jpg)
İdman 01:45 / 11.04.2025
UEFA Avropa Liqasında 1/4 final mərhələsinin ilk oyunlarına start verilib. Futbolsevərlərin böyük maraqla gözlədiyi qarşılaşmalar gərginliyi ilə seçilib.
London təmsilçisi "Tottenhem" doğma meydanda Almaniyanın "Ayntraxt" klubu ilə üz-üzə gəlib. Gərgin idman mübarizəsi şəraitində keçən qarşılaşma 1:1 hesablı heç-heçə ilə başa çatıb.
Günün ən məhsuldar oyunlarından biri Fransada gerçəkləşib. "Lion" öz meydanında "Mançester Yunayted"i qəbul edib. Bol qollu qarşılaşma 2:2 hesablı bərabərliklə yekunlaşıb.
Norveçdə isə "Budyo Qlimt" İtaliyanın "Latsio" klubuna qarşı əsl sürprizə imza atıb. Skandinaviya təmsilçisi rəqibini 2:0 hesabı ilə məğlub edərək yarımfinala bir addım da yaxınlaşıb.
Şotlandiyada isə qolsuz qarşılaşma qeydə alınıb. "Reyncers" və İspaniyanın "Atletik" klubu arasında baş tutan görüşdə tərəflər bir-birinin qapısına yol tapa bilməyiblər - 0:0.
Qeyd edək ki, UEFA Avropa Liqasında 1/4 final mərhələsinin cavab oyunları aprelin 17-də keçiriləcək. Həlledici mərhələyə yüksələcək komandalar həmin tarixdə müəyyənləşəcək.
12587 oxunub
.jpg)
