.jpg)
.jpg)
İdman 12:10 / 04.04.2025
İspaniyanın "Barselona" klubunun prezidenti Xuan Laporta komandanın son durumu və La Liqa ilə yaşanan məsələlərlə bağlı açıqlama verib.
Laporta "Real Madrid" və Kilian Mbappe ilə bağlı sualları cavabsız qoyaraq, "Məni problemə sürükləməyə çalışdığınız suallara cavab verməyəcəyəm” deyə bildirib. O, trebl arzusuna toxunaraq, "Yuxularımda nələr gördüyümü desəm, inanmazsınız" sözləri ilə zarafat edib.
"Barselona"nın yeni baş məşqçisi Hans Flik barədə danışan Laporta onun komandaya uyğun bir məşqçi olduğunu vurğulayıb: "O, inanılmaz iş görür. Flik hər zaman hazır olduğuna və "Barselona"nı daha yaxşı anladığına görə ona təşəkkür edirəm”.
La Liqanın son açıqlamaları və Dani Olmo ilə Pau Viktorun qeydiyyatı ilə bağlı yayılan xəbərlər barədə də fikirlərini bölüşən Laporta deyib: "Xəbər oyundan əvvəl yayıldı və bu, bizə narahatlıq yaratdı. Lakin oyunçular güclərini toparladılar və nə baş verdiyini anladılar. Qeydiyyat bütün federasiya və La Liqa tələblərinə uyğun aparılıb”, deyə klub prezidenti vurğulayıb.
Laporta "Barselona"nın hər turnirdə yüksək səviyyədə mübarizə apardığını qeyd edərək, azarkeşləri bu anın dadını çıxarmağa çağırıb: "Biz bilirik ki, meydanda bizi məğlub edə bilmirlər. Onlar bunu meydandan kənarda etməyə çalışırlar, amma bu, bizə təsir etməyəcək”.
Sonda isə "Barselona"nın uğur qazanmaq üçün bütün imkanlara malik olduğunu bildirən Laporta Flik və oyunçuların tam dəstəklənməli olduğunu vurğulayıb.
15582 oxunub
.jpg)
