Almaniya Kubokunun yarımfinalında gözlənilməz nəticə qeydə alınıb. 3-cü Liqa təmsilçisi "Arminia" Bundesliqa nəhəngi "Bayer"i 2-1 hesabı ilə məğlub edərək finala yüksəlib.
Matçın 27-ci dəqiqəsində meydan sahibləri ilk qolu vuraraq hesabı açıblar. 74-cü dəqiqədə "Arminia" ikinci dəfə "Bayer"in qapısına yol taparaq böyük üstünlük qazanıb. Son dəqiqələrdə Xabi Alonsonun komandası yalnız bir qol vurmağa müvəffəq olub. Lakin bu, oyunun taleyini dəyişmək üçün kifayət etməyib.
Beləliklə, "Arminia" tarixi qələbə qazanaraq Almaniya Kubokunun finalına vəsiqə qazanıb. "Bayer" isə gözlənilmədən turnirlə vidalaşıb.