İdman 19:10 / 13.03.2025
Beynəlxalq Olimpiya Komitəsinin (BOK) prezidenti Tomas Bax Azərbaycan Milli Olimpiya Komitəsinin (MOK) prezidenti İlham Əliyevə təbrik məktubu göndərib.
Məktubda deyilir:
"Hörmətli Prezident!
18 fevral 2025-ci ildə Azərbaycan Respublikası Milli Olimpiya Komitəsinin prezidenti vəzifəsinə yenidən seçilməyiniz münasibətilə səmimi təbriklərimi qəbul etməyinizi xahiş edirəm. Sizə bundan sonra da uğurlu fəaliyyət dövrü arzulayıram.
Beynəlxalq Olimpiya Komitəsi (BOK) Milli Olimpiya Komitəsi (MOK) ilə səmərəli əməkdaşlığı davam etdirməyi səbirsizliklə gözləyir. BOK Olimpiya Hərəkatının və Azərbaycanın idmançılarının maraqları naminə MOK-un missiyasını yerinə yetirməsinə və gündəlik fəaliyyətinə dəstək olmaq və kömək etmək üçün tam şəkildə hazırdır.
Bir daha ən xoş arzularımı bildirirəm.”
Səmimi qəlbdən,
Tomas Bax
4353 oxunub
