.jpg)
.jpg)
İdman 00:38 / 27.02.2025
Fevralın 26-da Beynəlxalq Olimpiya Komitəsinin (BOK) İcraiyyə Şurası Beynəlxalq Olimpiya Komitəsinin (BOK) prezidenti Tomas Baxın istefa ərizəsini qəbul edib.
BOK-un mətbuat xidmətindən verilən məlumata görə, qərar iyunun 23-dən, öz səlahiyyətlərini yeni prezidentə təhvil verdikdən sonra qüvvəyə minəcək.
Beynəlxalq Olimpiya Komitəsinin prezidentliyinə seçkilər martın 20-də Yunanıstanın Kosta Navarino şəhərində təşkilatın 144-cü sessiyası zamanı baş tutacaq. BOK-un prezidentliyinə 7 nəfər - Sebastyan Koe (Beynəlxalq Atletika Federasiyasının prezidenti), Morinari Vatanabe (Beynəlxalq Gimnastika Federasiyasını prezidenti), David Lapartian (Beynəlxalq Velosipedçilər İttifaqının prezidenti), Yohan Elias (Beynəlxalq Xizək və Snoubord Federasiyasının prezidenti), Xuan Antonio Samaranç-kiçik (Beynəlxalq Olimpiya Komitəsinin vitse-prezidenti), Faysal Əl-Hüseyn (BOK-un İcraiyyə Şurasının üzvü) və Kirsti Koventri (üzgüçülük üzrə ikiqat Olimpiya çempionu) namizəddir.
Tomas Bax 1991-ci ildə BOK-un, 1996-cı ildə isə BOK İcra Şurasının üzvü seçilmişdir. O, əvvəllər Almaniya Olimpiya İdman Konfederasiyasının prezidenti (2006-2013), İdman arbitraj məhkəməsinin Apelyasiya Komitəsinin sədri vəzifələrində çalışıb. Qılıncoynatmanın rapira növü üzrə komanda yarışlarında 1976-cı il Yay Olimpiya Oyunlarının və 1977-ci il dünya çempionatının qalibi olub.
Tomas Bax 10 sentyabr 2013-cü ildə BOK-un prezidenti seçilmişdi.
14658 oxunub
.jpg)
