.jpg)
.jpg)
İdman 15:05 / 13.02.2025
Bakurani-2025
Avropa Gənclər Qış Olimpiya Festivalı çərçivəsində dəyirmi masa keçirilib.
Tədbirdə Avropa Olimpiya Komitələrinin (AOK) rəhbəri Spiros Kapralos festivalın
gələcək irsinin qorunması və digər məsələlərlə bağlı fikirlərini bölüşüb. O,
Gürcüstanda keçirilən festivalın təşkilini yüksək qiymətləndirib.
"Festivala ev sahibliyi edən ölkələr bu yarışları uğurla təşkil etməklə
ölkələrində idmana olan marağı daha da artırır, inkişaf üçün yeni imkanlar əldə
edirlər.Festival üçün qurulan infrastruktur əbədi miras qalır. Gürcüstan
artıq qış idmanında yer alan ölkələr xəritəsindədir», - deyə o bildirib.
AOK-un rəhbəri 2027-ci ildə İstanbulda keçiriləcək Avropa Oyunlarının
təşkilatçılığından da danışıb. Müzakirə zamanı qeyd olunub ki, 2010- cu ildə
Vankuverdə faciəvi şəkildə həlak olan gürcüstanlı idmançı Nodar
Kumaritaşvilinin xatirəsinə mükafatın yaradılması elan edilib. "Biz qərara
gəldik ki, mərhum idmançının xatirəsi üçün bu Festivalda ən yaxşı kişi və qadın
idmançıya mükafat təqdim edək”, - deyə Kapralos bildirib.
Xatırladaq ki, Bakurani-2025 Avropa Gənclər Qış Olimpiya Festivalında 48
ölkədən 1000-ə yaxın idmançı mübarizə aparır. Qış idmanı üzrə 8 növdə (dağ
xizəyi, biatlon, xizək yarışı, buz hokkeyi, snoubord, fiqurlu konkisürmə,
fristayl və qısa yolda sürətli konkisürmə) mübarizyə fevralın 16-da yekun
vurulacaq.
16606 oxunub
.jpg)
