.jpg)
.jpg)
İdman 17:50 / 31.01.2025
Bakı Şəhər Gənclər və İdman İdarəsində (BŞGİİ) 2 fevral – Azərbaycan Gəncləri Günü münasibətilə mükafatlandırma mərasimi keçirilib.
Tədbirin əvvəlində Dövlət Himni səsləndirilib, ardınca ölkəmizin müstəqilliyi, suverenliyi, ərazi bütövlüyü uğrunda canını qurban vermiş şəhidlərin və Ümummilli Lider Heydər Əliyevin xatirəsi bir dəqiqəlik sükutla yad edilib.
Daha sonra iştirakçılar Ulu Öndər Heydər Əliyevin imzaladığı Fərmana əsasən təsis edilən 2 Fevral - Azərbaycan Gəncləri Gününün tarixçəsi ilə bağlı videoçarxı izləyiblər.
BŞGİİ-nin rəisi Dənyar Teymurlu çıxış edərək gəncləri təbrik edib, onların müstəqil dövlətimizin qurulmasında, onun qorunmasında və inkişafında önəmli rolu oynadıqlarını vurğulayıb. O, qeyd edib ki, gənclərin beynəlxalq aləmdə tanıdılması, onların istedadlarının inkişaf etdirilməsi və müxtəlif sahələrdə uğurlar qazanması üçün müvafiq proqramlar həyata keçirilir. Onları fəal olmağa və yeni təşəbbüslərlə çıxış etməyə çağırıb.
Sonra söz gənclərə verilib, onlarla fikir mübadiləsi aparılıb, təklif və iradları dinlənilib.
Sonda gənclər cəmiyyətdəki aktivliyi, sosial layihələrdəki iştirakları və əldə etdiyi uğurlar nəzərə alınaraq mükafatlandırılıblar.
Mükafatlar gənclərin motivasiyasını artırmaq və onların gələcək fəaliyyətlərinə stimul vermək məqsədini daşıyır.
15913 oxunub
.jpg)
