İdman 12:16 / 20.05.2024
44 günlük Vətən Müharibəsinin şəhidi Zeynal Şahhüseynlinin xatirəsinə həsr olunmuş kiçik yaşlı yeniyetmələr arasında sərbəst güləş üzrə Masallı rayon turniri keçirilib. 100-ə yaxın idmançının qüvvəsini sınadığı yarışda ilk üç yeri tutan idmançılar turnirin təşkilatçısı olan Lənkəran-Astara Regional Gənclər və İdman İdarəsinin diplom və medalları ilə mükafatlandırılıblar. Mərasimdə şəhid valideynləri və müharibə veteranları da iştirak ediblər.
Qeyd edək ki, Zeynal
Şahhüseynli 1998-ci ildə Masallı şəhərində dünyaya göz açıb. 44 günlük Vətən Müharibəsinə könüllü yollanan qəhrəmanımız Füzuli
istiqamətdə gedən döyüşlərdə güllə yarası alıb. Bakı Şəhər Hərbi Hospitalda bir
müddət müalicə olunan Zeynal Şahhüseynli 2021-ci il iyunun 5-də komaya düşüb,
həmin il iyunun 16-da şəhidlik zirvəsinə ucalıb. Ölümündən sonra dövlət
tərəfindən "Cəsur döyüşçü”, Cəbrayılın və Füzulinin azadlığı uğrunda
medallarına layiq görülüb.
21544 oxunub
