.jpg)
.jpg)
İdman 23:57 / 15.02.2024
Futbol üzrə UEFA Avropa Liqasının pley-off mərhələsinin oyunlarına start verilib. Türkiyənin "Qalatasaray" klubu doğma meydanda Çexiyanın "Sparta” (Praqa) klubunu qəbul edib.
Qarşılaşma meydan sahiblərinin qələbəsi ilə başq çatıb - 3:2. İstanbul təmsilçisinin heyətində 19-cu dəqiqədə Kerem Demirbay fərqlənib, 61-ci dəqiqədə Ladislav Kreyci avtoqol müəllifi olub. 90+1-ci dəqiqədə Mauro İkardi görüşdə son nöqtəni qoyub.
Qonaqlarda isə 47-ci dəqiqədə Angelo Presiado və 65-ci dəqiqədə Yan Kuçta adını tabloya yazdırıb.
Viktor Nelsson 62-ci dəqiqədə birbaşa qırmızı vərəqə alaraq "sarı-qırmızılar"ı azlıqda qoyub. Praqa klubunda isə 80-ci dəqiqədə Matey Runes ikinci sarı vərəqəni alaraq meydandan qovulub.
Qeyd edək ki, tərəflər arasındakı cavab görüşü fevralın 22-də olacaq.
17456 oxunub
.jpg)
