.jpg)
.jpg)
İdman 12:11 / 18.04.2023
Bu gün Azərbaycanın daha beş sərbəst güləşçisi Xorvatiyanın paytaxtı Zaqrebdə keçirilən Avropa çempionatında mübarizəyə başlayacaq. İntiqam Vəlizadə (61 kq) ukraynalı Taras Markoviç, Cəbrayıl Qadjiyev (74 kq) avstriyalı Simon Markl, Abubakr Abakarov (86 kq) Fatih Erdin (Türkiyə) - Ruslan Valiyev (Fransa) cütünün qalibi, Osman Nurmaqomedov (92 kq) Filip Finesilver (İsrail) - Recep Haydari (Şimali Makedoniya) duelinin güclüsü, Georgi Meşvildişvili (125 kq) isə Almaniya təmsilçisi Gennadi Kudinoviçlə üz-üzə gələcək.
Bu gün, həmçinin digər beş sərbəst güləşçimiz medal görüşlərinə çıxacaq. Əliabbas Rzazadə (57 kq) qızıl medal uğrunda Süleyman Atlı (Türkiyə), Hacı Əliyev (70 kq) Ramazan Ramazanov (Bolqarıstan), Maqomedxan Maqomedov (97 kq) Givi Matçaraşvili (Gürcüstan) ilə qarşılaşacaq. Əli Rəhimzadə (65 kq) təsəlliverici görüşdə Coşua Finesilver, Səbuhi Əmiraslanov (79 kq) bürünc medal qarşılaşmasında Axsarbek Qulayev - Hetik Çabolov cütünün qalibi ilə qarşılaşacaq.
22035 oxunub
.jpg)
