.jpg)
.jpg)
İdman 15:11 / 21.02.2023
Bakı Su İdman Sarayında ümummilli lider Heydər Əliyevin 100 illiyinə həsr olunmuş su polosu üzrə "Baku Winter Cup” turniri keçirilib. Yarışın keçirilməsində əsas məqsəd idmanın bu növünə olan marağı artırmaq, su polosunun gənclər və yeniyetmələr, uşaqlar arasında daha da populyarlaşmasına nail olmaqdan ibarət olub.
Turnirdə 5 komanda qalib adı uğrunda mübarizə aparıb. Bakı Gənclər və İdman
İdarəsi, Azərbaycan Üzgüçülük Federasiyası və "Qarabağ” vaterpol klubu
tərəfindən keçirilən turnirdə "Qarabag-Aquatic” komandası birinci yerə
layiq görülüb. "145 Qroup” komandası ikinci, "Sharks” komandası isə üçüncü yerə
sahib çıxıb. Yarışın sonunda qaliblər kubok, medal, diplom və xatirə
hədiyyələri ilə təltif olunublar.
Qeyd edək ki, ümummilli lider Heydər Əliyevin 100 illiyi çərçivəsində tədbirlər
planına uyğun olaraq su polosu üzrə digər beynəlxalq turnirin keçirilməsi iyun
ayına planlaşdırılıb. Bu yarışda yerli komandalarla yanaşı, 4 xarici ölkənin
komandalarının da iştirakı nəzərdə tutulub.
27198 oxunub
.jpg)
