Dünya Boks Şurasının (WBC) ağır çəkili çempionu britaniyalı Tayson Fyuri növbəti döyüşünü keçirib. O, Londonda keçirilən döyüşdə həmyerlisi Derek Çisora ilə qarşılaşıb. T.Fyuri onuncu raundda rəqibini texniki nokautla məğlub edib. D.Çisora döyüş zamanı çoxlu zərbələr alıb və hakimin fikrincə, o artıq özünü müdafiə edə bilməyib.
Fyuri 2020-ci ilin fevralında amerikalı Deontey Uaylder üzərində 7-ci raundda texniki nokautla qalib gəldiyi WBC dünya titulunu üçüncü dəfə qoruyub.
Bu döyüş rəqiblərin üçüncü qarşılaşması olub. Buna qədər 2011-ci ildə T.Fyuri hakimlərin qərarı ilə, 2014-cü ildə isə 10-cu raundda texniki nokautla qalib gəlmişdi.
Qeyd edək ki, 33 yaşlı T.Fyurinin aktivində 34 qələbə və bir heç-heçə var. Onun rəqibi D.Çisora isə karyerası ərzində 32 qələbə qazanıb, 13 dəfə məğlub olub.
28962 oxunub