.jpg)
.jpg)
İdman 19:11 / 23.11.2022
Dünya çempionatında oyunlar bir-birini əvəz etdikcə maraqlı qarşılaşmalar mundiala xüsusi rəng qatır. Argentina milli komandasını Səudiyyə Ərəbistanı millisi bütün dünyanın gözü qarşısında məğlub etdikdən sonra hər kəs mundialın hansı səviyyədə keçdiyini və senssasiyaların qaçılmaz, favoritlərin məğlub edilməz olmadığını yaxşı başa düşdülər. Qətərdə keçirilən dünya çempionatında daha bir gözlənilməz nəticə bu gün qeydə alındı. Mundialın kağız üzərində favorit hesab edildiyi komandalarından olan Almaniya millisi yaponiyalı rəqibləri ilə üz-üzə gəldilər. Oyunun birinci hissəsini avropalılar tarixdə ilk dəfə üz-üzə gəldikləri Yaponiya kollektivinə qarşı etinasız yanaşdı. Ən nikbin futbol azarkeşləri heç vaxt inana bilməzdilər ki, hissənin ikinci yarısında qəzəbli «samuraylar» «alman maşını»nın işlək mexanizmini sıradan çıxıracaq. Bəli, həmin istək özünü doğrultdu. Rəqib futbolçularına qarşı ciddi yanaşmayan Manuel Noyer öz qapısında iki top buraxaraq, komandasını və azarkeşlərini mundial azarkeşləri qarşısında məyus etdi. Buradan, belə çıxır ki, nə qədər güclü olursan, ol, rəqibinə hörmətlə yanaş!
P.S. Yəqin sabah Yaponiyada milli bayram elan olunacaq
17:00. Almaniya - Yaponiya - 1:2
Qol: İlkay Gündoğan, 33-pen (1:0), Ritsu Doan, 75 (1:1), Takuma Asano, 83 (1:2)
Baş hakim: İvan Barton (Salvador)
"Xəlifə" stadionu
27756 oxunub
.jpg)
