İdman 14:51 / 29.06.2020
FIDE bir ay müddətində İddiaçılar Turnirinin yerini və vaxtını müəyyənləşdirəcək. Bu barədə qurumun prezienti Arkadi Dvorkoviç "koronavirusdan sonra şahmat" adlı onlayn sessiyada açıqlama verib.
A.Dvorkoviç həftə boyu məsləhətləşmələr apardıqlarını söyləyib. O, yarışın böyük ehtimalla payızda, sentyabr-oktyabr aylarında keçirəcəklərini deyib: "Yenə Yekaterinburqda turniri keçirmək niyyətindəyik, amma Rusiya başqa şahmatçıları qəbul etməyə hazır deyilsə, başqa alternativləri də nəzərdən keçiririk".
Qeyd edək ki, Teymur Rəcəbov İddiaçılar Turnirindən koronavirusun yayılması səbəbindən imtina etmişdi. Rusiyanın Yekaterinburq şəhərindəki turnir martın 26-da yarımçıq dayandırılıb. Buna Rusiya Federasiyası hökumətinin digər ölkələrlə hava əlaqəsinin kəsilməsi barədə qərarı səbəb olub. Turnirin VIII turdan davam etdiriləcəyi açıqlanıb. 7 turdan sonra fransalı Maksim Vaşye-Laqrav və rusiyalı Yan Nepomnyaşi hərəyə 4 xalla ilk 2 pilləni bölüşür.
34520 oxunub
