XƏBƏR LENTİ
05 Fevral 2025
04 Fevral 2025
03 Fevral 2025
02 Fevral 2025
31 Yanvar 2025
30 Yanvar 2025
29 Yanvar 2025
28 Yanvar 2025



Dohada Baş Assambleya öz işinə başlayıb
Olimpiya oyunları 15:04 / 17.10.2019
 Oktyabrın 17-də Qətərin paytaxtı Doha şəhərində Milli Olimpiya Komitələrinin Assosiasiyasının (MOKA) Baş Assambleyası fəaliyyətə başlayıb.
Tədbirdə Milli Olimpiya Komitəsinin (MOK) vitse-prezidenti Çingiz Hüseynzadə, MOK-un baş katibinin müavini Azər Əliyev və Marketinq idarəsinin rəisi Mehman Kərimov iştirak edirlər. Assambleya çərçivəsində MOKA-nın Audit və Maliyyə, Marketinq, Atletlər, Beynəlxalq Əlaqələr, və Tibbi Komissiyalarının iclasları keçirilib. Komissiya nümayəndələrinin məruzələri dinlənilib. Gənclər Komissiyasının və Milli Olimpiya Komitələrinin Assosiyasiyasının İcraiyyə Şurasının iclası gündəlikdə olan məsələlər sırasındadır. Assambleyanın yekunu olaraq, Olimpiya Həmrəyliyi Komissiyasının iclası nəzərdə tutulub.
Qeyd edək ki, oktyabr 12-16-də ilk Dünya Çimərlik Oyunlarına ev sahibliyi edib. Azərbaycanı oyunlarda 7 idmançı təmsil edib. 4 gümüş və 1 bürünc medal qazanan komandamızın heyətində Rostislav Pevtsov (aquatlon - bürünc); Ksenia Levkovskaya (aquatlon - gümüş), aquatlon qarışıq komandası (gümüş), Pənah İlyaslı (güləş - gümüş), İbrahim Yusubov (güləş - gümüş) fərqləniblər.

52641 oxunub

InvestAZ