İdman 17:38 / 26.09.2024
Minifutbol üzrə Azərbaycan çempionatının 2024/2025-ci illər mövsümünün püşkatma mərasimi keçirilib.
Tədbirdə qurumun illik fəaliyyəti və ölkə təmsilçilərinin beynəlxalq yarışlardakı çıxışlarından bəhs olunub. Xüsusilə, UEFA Çempionlar Liqasının qalibi olan "Birbaşa Bakı"nın turnirdə göstərdiyi əzmkar mübarizə yüksək qiymətləndirilib.
Sonra ölkə çempionatının ötən mövsümünün final matçından bəhs edən videoçarx nümayiş olunub. Azərbaycan Minifutbol Federasiyasının baş katibi Orxan Hüseynov ilin ən yaxşı minifutbolçusu adına layiq görülən Elvin Əlizadəyə mükafat təqdim edib.
Komandalar və reqlament haqqında məlumat verildikdən sonra 14 kollektivin mübarizə aparacağı və oktyabrın 1-də start götürəcək çempionatın püşkü atılıb.
Püşkə əsasən ilk turun qarşılaşmaları "Aznur”la "Çinar Zəngilan”, "Füzuli Altay”la "Zirə”, "Sumqayıt”la "Suraxanı”, "Star Bakı” ilə "Siyəzən”, "Şamaxı” ilə "Laçın”, "Birbaşa” ilə "Göyçə”, "Galaxy”, ilə "Bakı 145” komandaları arasında baş tutacaq.
Qeyd edək ki, Azərbaycan çempionatının oyunları Bakı Tennis Akademiyasında keçiriləcək.
3337 oxunub
