İdman 13:09 / 05.12.2023
Dekabrın 2-3-də Macarıstanın paytaxtı Budapeştdə bədii gimnastika üzrə "Mıkulas Kupa-2023” beynəlxalq turniri keçirilib.
Sayca 14-cü dəfə təşkil olunan yarışda 12 ölkəni (Macarıstan, Azərbaycan, Ukrayna, BƏƏ, Slovakiya, Sloveniya, Polşa, Avstriya, Böyük Britaniya, Xorvatiya, Bolqarıstan və Kipr) təmsil edən 300-dən çox gimnast mübarizə aparıb.
Turnirdə ölkəmizin idman şərəfini qoruyan Azərbaycan Həmkaralar İttifaqları Konfederasisyası "Spartak” Könüllü Bədən Tərbiyəsi - İdman Cəmiyyətinin gimnastları uğurla çıxış edərək 2 qızıl, 4 gümüş medala layiq görülüblər. Gimnastlarımızdan Melissa Yusifova və Turan Zeynalzadə çoxnövçülük üzrə yarışlarda qızıl medala sahib çıxıb. Komandamızın digər üzvlərindən Məryəm Hüsenyzadəhəm çoxnövçülük, həm də topla hərəkətlərdə gümüş medala yiyələnib. Digər 2 gümüş medalı isə Fidan Tağıyeva çoxnövçülük və topla hərəkətlərdə komandamızın aktivinə yazdırıb. İdmançıların əldə etdiyi bu nailiyyətlərdə Əməkdar məşqçilər Nurlana Əlizadənin və Natalya Nərimanovanın böyük əməyini qeyd etmək olar.
6675 oxunub
.jpg)
