SON XƏBƏRLƏR

BÜTÜN XƏBƏRLƏR

Bakıda üzgüçülük üzrə Dünya Kubokunun açılış mərasimi keçirilib

Bakıda üzgüçülük üzrə Dünya Kubokunun açılış mərasimi keçirilib 

İdman

01.10.2026, 19:48

Bakıda üzgüçülük üzrə Dünya Kubokunun açılış mərasimi keçirilib.

Su İdmanı Sarayında təşkil olunan tədbirdə gənclər və idman naziri Fərid Qayıbov ölkəmizdə idmanın Prezident İlham Əliyev tərəfindən dövlət siyasəti kimi müəyyənləşdirildiyini bildirib.

Onun sözlərinə görə, bu siyasətin nəticəsidir ki, ölkəmizdə hər il, hər ay idman sahəsində növbəti uğurlar əldə olunur.

Nazir, həmçinin beynəlxalq quruma və təşkilatçılara minnətdarlığını bildirib.

Azərbaycan Üzgüçülük Federasiyasının prezidenti Zaur Əliyev Dünya Kubokunun Azərbaycan idmanı üçün tarixi hadisə olduğunu söyləyib. O qeyd edib ki, 44 ölkədən 200-dən çox idmançının Bakıda bir araya gəlməyi ölkəmizə göstərilən dəstəyin təzahürüdür.

Beynəlxalq Üzgüçülük Federasiyasının prezidenti Hüseyn Əl-Müsəlləm tədbirin yüksək səviyyədə təşkilinə və qonaqpərvərliyə görə Azərbaycana təşəkkür edib. O vurğulayıb ki, bu standartda böyük bir idman yarışını ərsəyə gətirmək böyük fədakarlıq və zəhmət tələb edir.

Onun sözlərinə görə, Dünya Kuboku hər zaman dünya miqyasında ən güclü idmançıların öz ustalıqlarını göstərmələri üçün möhtəşəm platforma olub.

Federasiya rəhbəri Bakı şəhərinin və Azərbaycanın ətraf mühitin mühafizəsi sahəsində uzunmüddətli səmərəli fəaliyyətinə görə xüsusi mükafata layiq görüldüyünü elan edib: “Ətraf mühitin qorunması istiqamətində göstərdiyi uzunmüddətli səylərə görə Bakı şəhərinin və Azərbaycanın Dünya Akvatika Fondunun Ekoloji Mükafatına (World Aquatics Foundation Environmental Award) layiq görüldüyünü elan etməkdən böyük şərəf duyuram”.

Daha sonra Hüseyn Əl-Müsəlləm mükafatı Azərbaycanın ekologiya və təbii sərvətlər naziri Rəşad İsmayılova və Dünya Akvatika Fondunun prezidenti Deyl Nöubergerə təqdim edib.

Rəsmi çıxışlardan sonra Dövlət Himni səsləndirilib. Bununla da Dünya Kuboku açıq elan olunub. Tədbir bədii hissə ilə davam edib. Mərasimdə musiqili şoular nümayiş olunub.

Turnirdə 44 ölkədən ümumilikdə 216 üzgüçü mübarizə aparır.

Azərbaycanı yarışda 15 idmançı təmsil edir. Bunlar Ramil Vəlizadə, Abdurrəhman Rüstəmov, Səid Həmidov, Süleyman İsmayılzadə, Oqtay Hüseynov, Fərhad Şirməmmədli, Ramal Sadiqli, Amin Oruclu, Fatimə Alkərəmova, Məryəm Cavadova, Anastasiya Boborıkina, Anastasiya Qnusina, Mehri Abdurəhmanlı, Vlastilina Xasyanova və Yeqor Maynitskidir.

Qeyd edək ki, Dünya Kubokunun Bakı mərhələsinə oktyabrın 3-də yekun vurulacaq.

Dİgər xəbərlər

Tofiq Bəhramov adına Respublika stadionunun 75 illiyi münasibətilə yoldaşlıq matçı keçiriləcək

Bugün, 12:56

Tofiq Bəhramov adına Respublika stadionunun 75 illiyi münasibətilə yoldaşlıq matçı keçiriləcək
AMADA rəsmisi Avropa Şurasının antidopinq iclasında iştirak edib

Bugün, 12:49

AMADA rəsmisi Avropa Şurasının antidopinq iclasında iştirak edib
Üzgüçülük üzrə Dünya Kubokunda ikinci yarış gününə start verilib

Bugün, 10:41

Üzgüçülük üzrə Dünya Kubokunda ikinci yarış gününə start verilib
 Azərbaycan Basketbol Liqasında ilk turun daha bir oyunu bu gün keçiriləcək 

Bugün, 10:09

Azərbaycan Basketbol Liqasında ilk turun daha bir oyunu bu gün keçiriləcək

Azərbaycan milli komandası Lixtenşteynlə heç-heçə edib

01.10.2026, 22:08

Azərbaycan milli komandası Lixtenşteynlə heç-heçə edib
Azərbaycan komandası “Mingəçevir Reqatası-2026” beynəlxalq turnirini 22 medalla başa vurub

01.10.2026, 19:05

Azərbaycan komandası “Mingəçevir Reqatası-2026” beynəlxalq turnirini 22 medalla başa vurub
Azərbaycan Basketbol Liqasının I və II turlarında keçiriləcək iki oyun təxirə salınıb

01.10.2026, 16:57

Azərbaycan Basketbol Liqasının I və II turlarında keçiriləcək iki oyun təxirə salınıb
Azərbaycanın U-20 voleybol millisi EEVZA çempionatına Qubada hazırlaşır 

01.10.2026, 15:19

Azərbaycanın U-20 voleybol millisi EEVZA çempionatına Qubada hazırlaşır

 Bakıda stolüstü tennis üzrə beynəlxalq seminar keçirilir 

01.10.2026, 14:41

Bakıda stolüstü tennis üzrə beynəlxalq seminar keçirilir

Üzgüçülərimiz Bakıdakı Dünya Kubokunun təsnifat mərhələsində çıxış ediblər

01.10.2026, 13:55

Üzgüçülərimiz Bakıdakı Dünya Kubokunun təsnifat mərhələsində çıxış ediblər
Basketbol Liqası: \"Sabah\" açılış oyununda qələbə qazandı 

30.09.2026, 23:26

Basketbol Liqası: "Sabah" açılış oyununda qələbə qazandı

Mingəçevirdə kayak və kanoe marafonunun təqdimatı keçirilib

30.09.2026, 23:15

Mingəçevirdə kayak və kanoe marafonunun təqdimatı keçirilib