SON XƏBƏRLƏR

Rüstəm Orucov: "İdmançılarımızdan qızıl medallar gözləyirəm"

$Rüstəm Orucov: \"İdmançılarımızdan qızıl medallar gözləyirəm\"   $

İdman

Bugün, 10:57

"Azərbaycanlı cüdoçular hər zaman döyüşkənliyi və güclü hazırlığı ilə seçilirlər. İnanıram ki, bu yarışda da uğurlu çıxış edəcəklər"

Olimpiyadunyasi.com xəbər verir ki, bu sözləri Avropa Cüdo Birliyinin komissarı, Olimpiya mükafatçımız Rüstəm Orucov Avropa Cüdo Ümidləri turniri zamanı jurnalistlərə müsahibəsində deyib.

Rüstəm Orucov turnirin yüksək səviyyədə təşkil olunduğunu vurğulayıb.

"Avropa Cüdo Birliyinin adından bu turnirdə komissar kimi iştirak edirəm. Çox yarışlarda olmuşam, amma etiraf etməliyəm ki, burada təşkilatçılıq çox yüksək səviyyədədir. Belə səviyyədə təşkil olunan yarışlara az rast gəlinir. Turnirin əsas məqsədi gənc idmançıların beynəlxalq təcrübə qazanmasıdır. Eyni zamanda klub məşqçiləri üçün də yaxşı imkan yaradılıb. Onlar da yarış prosesində iştirak edərək məşqçi kimi təcrübələrini artırırlar", - deyə Rüstəm Orucov bildirib.

Olimpiya mükafatçımız Azərbaycan cüdoçularından uğurlu nəticələr gözlədiyini də qeyd edib:

"Əlbəttə ki, idmançılarımızdan qızıl medallar gözləyirəm. Medallardan daha önəmlisi təcrübədir. Turnir çərçivəsində Yaponiya və İtaliyadan iki tanınmış cüdo mütəxəssisi ölkəmizə gəlib. Onlardan biri üçqat dünya çempionu və Olimpiya Oyunlarının bürünc mükafatçısı, digəri isə Olimpiya Oyunlarının bürünc medalçısıdır. Onlar gənc idmançılar üçün ustad dərsləri keçəcəklər. Belə imkanlar uşaqların inkişafı baxımından olduqca vacibdir. Hesab edirəm ki, bu cür tədbirlərin sayı daha da artırılmalıdır", - deyə Rüstəm Orucov bildirib.