SON XƏBƏRLƏR

BÜTÜN XƏBƏRLƏR

Aydın Süleymanlı: "Hər bir şahmatçının arzusudur ki, Karlsenə qarşı oynasın"

Aydın Süleymanlı: \"Hər bir şahmatçının arzusudur ki, Karlsenə qarşı oynasın\"

İdman

25.06.2026, 11:01

Honkonqda keçirilən rapid və blits üzrə komandalararası dünya çempionatında iştirak edən “Odlar Yurdu” komandasının şahmatçısı Aydın Süleymanlı Azərbaycan Şahmat Federasiyasının mətbuat xidmətinə açıqlama verib.

Olimpiyadunyasi.com şahmatçımızın açıqlamasını Azərbaycan Şahmat Federasiyasının mətbuat xidmətinə istinadən təqdim edir.

Beynəlxalq qrossmeyster komandanın çıxışı barədə bunları deyib: “Reytinqə görə yarışda 16-cı komanda olmağımıza baxmayaraq pis təsir bağışlamadıq. Həm rapid, həm də blitsdə gözləniləndən daha yaxşı çıxış etdik. Rapid yarışında güclü heyətə malik “WR Chess” komandasına qalib gəldik. Blitsdə qrupdan çıxdıq, amma Özbəkistanla mübarizədə bəxt tərəfimizdə olmadı. İkinci oyunda 2,5:3,5 hesabıyla uduzduq, halbuki qələbə qazana bilərdik. Ümumilikdə nəticəni qənaətbəxş hesab edirəm”.

Azərbaycan millisinin üzvü FIDE reytinqində birinci yerin sahibi Maqnus Karlsenlə oyunu heç vaxt unutmayacağını bildirib: “Turnirdən əvvəl kapitanımız Rauf Məmmədovla danışanda birinci lövhədə oynamaq istəyimi söylədim. Çünki dünya çempionu Maqnus Karlsenə qarşı mübarizə aparmaq istəyirdim. Fikrimcə, hər bir şahmatçının arzusudur ki, Karlsenə qarşı oynasın. Mən arzuma çatdım, hətta qalib də gəldim. Maqnus çox böyük şahmatçıdır, ona qalib gəlmək bəzi insanlar üçün imkansızdı. Əvvəllər mən də mümkünsüz kimi düşünürdüm, lakin qələbə qazanmağı bacardım. Bu anı və oyunu heç vaxt unutmayacam. 

Maqnus şahmat tarixinin ən güclü təmsilçisidir. 90% insanlar bu fikirdədir. Karlsenə qarşı istənilən oyunda mübarizə aparmaq çox çətindi. Rapid oyununda vaxt azaldıqca şanslar tükənir. Ona görə bu qələbə özümə daha çox inanmağa kömək etdi. Maqnusla oyundan sonra digər rəqiblərə başqa fikirlə yanaşıram. Növbəti oyunlarda şanslarımı daha çox dəyərləndirirəm”.

Aydın Süleymanlı sonda hamıya minnətdarlığını bildirib: “Mənə dəstək olan, xoş sözlər yazan hər kəsə təşəkkür etmək istəyirəm. Hər yarışdan öncə ailə üzvlərimə birinci olacağımı söyləyirəm. Çünki onlar ilk gündən məni dəstəkləyir və uğuruma inanır. Fikrimcə, valideynlərim də Maqnusə qalib gələcəyimi gözləmirdi”.

Qeyd edək ki, Aydın Süleymanlı 2-5 iyul tarixlərində Amerika Birləşmiş Ştatlarında keçiriləcək rapid və blits turnirində iştirak edəcək.

Dİgər xəbərlər

Dünya çempionlarına xüsusi üzük veriləcək

17.07.2026, 11:37

Dünya çempionlarına xüsusi üzük veriləcək
Azərbaycan Premyer Liqasında yeni mövsümün püşkatma mərasimi keçiriləcək

17.07.2026, 11:09

Azərbaycan Premyer Liqasında yeni mövsümün püşkatma mərasimi keçiriləcək
Azərbaycanın UEFA reytinqindəki əmsalı artıb

17.07.2026, 10:15

Azərbaycanın UEFA reytinqindəki əmsalı artıb
Avropa Liqası: \"Qarabağ\" növbəti mərhələdə

17.07.2026, 01:58

Avropa Liqası: "Qarabağ" növbəti mərhələdə
Güləşçimiz Macarıstanda da çempion oldu

17.07.2026, 00:14

Güləşçimiz Macarıstanda da çempion oldu
Güləşçimiz Macarıstanda da çempion oldu

17.07.2026, 00:14

Güləşçimiz Macarıstanda da çempion oldu
Bakıda keçiriləcək U17 güləş üzrə dünya çempionatı: Azərbaycanın seçilməsinin başlıca səbəbləri  

16.07.2026, 22:46

Bakıda keçiriləcək U17 güləş üzrə dünya çempionatı: Azərbaycanın seçilməsinin başlıca səbəbləri  
\"Zirə\" Konfrans Liqasının növbəti mərhələsində 

16.07.2026, 21:57

"Zirə" Konfrans Liqasının növbəti mərhələsində 
Sofiyada gümüş medal

16.07.2026, 14:50

Sofiyada gümüş medal
Bakıda keçiriləcək cüdo üzrə dünya çempionatına həsr olunmuş mətbuat konfransı keçirilib   

16.07.2026, 14:48

Bakıda keçiriləcək cüdo üzrə dünya çempionatına həsr olunmuş mətbuat konfransı keçirilib

Rəşad Rəsullu: \"Dünya çempionatı komandamızın hazırkı səviyyəsini qiymətləndirmək baxımından böyük əhəmiyyət daşıyır\" 

16.07.2026, 13:20

Rəşad Rəsullu: "Dünya çempionatı komandamızın hazırkı səviyyəsini qiymətləndirmək baxımından böyük əhəmiyyət daşıyır"

Cüdo üzrə dünya ulduzları Bakıya gələcək  

16.07.2026, 13:09

Cüdo üzrə dünya ulduzları Bakıya gələcək