XƏBƏR LENTİ
04 Mart 2025
03 Mart 2025
15:34 Uşuçularımızdan 8 medal
02 Mart 2025
01 Mart 2025
28 Fevral 2025
27 Fevral 2025
Dörd boksçumuz beynəlxalq turnirin bürünc medalını təmin etdi
İdman 12:13 / 28.02.2025
Bolqarıstanın paytaxtı Sofiyada keçirilən boks uzrə "Strandja” beynəlxalq turniri davam edir. yarımfinala yüksəlib.
Azərbaycan Boks Federasiyasının mətbuat xidmətindən verilən məlumata görə, millimizin dörd boksçusu adını yarımfinala yazdırıb.
Komandamızın üzvlərindən Nicat Hüseynov (51 kq) uelsli Skott Riçardsa 4:1 (29:28, 30:27, 28:29, 29:28, 29:28) hesabı ilə qalib gəlib. Avropa çempionumuz yarımfinalda Daniyal Sabitlə (Qazaxıstan) döyüşəcək.
Zəlimxan Süleymanov (57 kq) 1/4 finalda Miçele Baldassidən (İtaliya) güclü olub – 5:0 (29:28, 29:28, 29:28, 30:27, 29:28). O, finala gedən yolda Giorgi Kapanadzeni (Gürcüstan) sınağa çəkəcək.
Zaur Qəhrəmanov (67 kq) rinqdən qalib ayrılıb. Boksçumuz Canluici Malanqanı (İtaliya) 5:0 (29:27, 30:26, 30:26, 30:26, 30:26) hesabı ilə məğlub edib. Təmsilçimiz yarımfinalda Demur Kajaya (Gürcüstan) ilə münasibətinə aydınlıq gətirəcək.
Nəbi İsgəndərov (67 kq) da adını yarımfinala yazdırıb. O, Rumen Rumenovla (Bolqarıstan) görüşü xeyrinə bitirib – 5:0 (30:24, 30:26, 29:27, 29:27, 30:26). İsgəndərov növbəti qarşılaşmasında Torexan Sabirxanla (Qazaxıstan) gücünü yoxlayacaq.
Dörd boksçumuz yarımfinala yüksəlməklə yanaşı, özləri üçün ən azı bürünc medalı da təmin ediblər.
Qeyd edək ki, yarımfinal mərhələsinin döyüşləri martın 1-də keçiriləcək.
911 oxunub
