İdman 08:39 / 07.01.2025
Futbol üzrə İtaliya Superkubokunun qalibi müəyyənləşib. Həlledici oyunda "İnter” və "Milan” komandaları qarşılaşıb. Səudiyyə Ərəbistanının paytaxtı Ər-Riyad şəhərində keçirilən oyun "Milan”ın minimal hesablı qələbəsi ilə başa çatıb -3:2. Oyunda hesabı 45+1-ci dəqiqədə "İnter"in hücumçusu Lautaro Martines açıb. Matçın ikinci hissənin əvvəlində, 48-ci dəqiqədə Mehdi Taremi "İnter”in hesabdakı üstünlüyünü iki topa çatdırıb. Lakin İnzaginin komandası qələbə hesabını sona qədər qoruya bilməyib. Matçın 52-ci dəqiqəsində Teo Hernandes, 80-ci dəqiqədə isə Kristian Pulişiç fərqlənərək hesabı bərabərləşdirib. Oyunun 90+3-cü dəqiqəsində "Milan”ın hücumçusu Temmi Abraham komandasına qələbə qzazandıran qolu vurub. "Rossonerilər” bu qələbə sayəsində tarixində 8-ci dəfə İtaliya Superkubokunun qalibi olub.
442 oxunub
