Azərbaycan Basketbol Liqasında (ABL) XIV turun oyunları keçirilib. Açılış oyununda "Sabah" və "Olimpik Şəki" komandaları qarşılaşıblar. "Sərhədçi" İdman Mərkəzində keçirilən görüş paytaxt klubunun 77-72 hesablı qələbəsi ilə yekunlaşıb.
Turun növbəti oyununda Astara Olimpiya İdman Kompleksində "Zirvə Astara” və "AAAF Xırdalan” komandaları üz-üzə gəlib. Oyuna inamlı başlayan Xırdalan təmsilçisi yekunda rəqib üzərində 100:76 hesablı qələbə qazanıb.
Turun son oyun günündə iki qarşılaşma təşkil olunub. Əvvəlcə "Sərhədçi” komandası "Gəncə” kollektivini qəbul edib. Oyun "Sərhədçi”nin 86:78 hesablı qələbəsi ilə başa çatıb.
Turun sonuncu oyununda isə NTD komandası "Neftçi” ilə qarşılaşıb. Görüş "Neftçi” klubunun 86:79 hesablı qələbəsi ilə yekunlaşıb.