Azərbaycanın gənc cüdoçulardan ibarət milli komandası Almaniyanın Bremen şəhərində keçirilən beynəlxalq təlim-məşq toplanışında iştirak ediblər. Hazırlıq prosesinə 21 ölkədən 600-dən çox üdoçu idmançı qatılıb. Hazırlıq prosesində yığma komandamızın 17 üzvü iştirak edib. Cüdoçular gənclərdən ibarət yığmanın baş məşqçisi Elxan Məmmədov və məşqçi Elxan Rəcəblinin rəhbərliyi altında hazırlıq səviyyələrini artırmağa çalışıblar. Təlim-məşq toplanışı sentyabr və oktyabr aylarında keçiriləcək gənclər arasında Avropa və dünya çempionatlarına hazırlıq məqsədi daşıyıb.