SON XƏBƏRLƏR

Bədii gimnastlar ölkə çempionatında bacarıqlarını nümayiş etdirdilər

İdman

26.03.2023, 08:47

Martın 24-25-də Milli Gimnastika Arenasına bədii gimnastika üzrə 28-ci Azərbaycan çempionatı keçirilib. Yarışda "Ocaq Sport" klubu, Bakı Gimnastika Məktəbi, Respublika Kompleks İdman Məktəbi, Gəncə-Naftalan, "Grasiya” idman klubu, "Zirə” Mədəniyyət Mərkəzi, Sumqayıtdan ümumilikdə 53 gimnast bacarığını nümayiş etdirib. Çempionatda 2008-2010-cu illər təvəllüdlü gənclərlə yanaşı, 2007-ci il və daha böyük təvəllüdlü idmançılar fərdi proqramda qüvvələrini sınayıblar.

"Ocaq Sport” klubunun və qrup hərəkətləri üzrə milli komandanın üzvləri 5 ip və 5 top (gənclər), eləcə də 5 halqa, 3 lent və 2 top (böyüklər) proqramında müsabiqədən kənar proqramlarını nümayiş etdiriblər.

Ölkəmizdə təlim-məşq toplanışında olan Avstraliya və Monqolustan təmsilçiləri də öz müsabiqədən kənar maraqlı çıxışları ilə izləyicilər qarşısına çıxıblar.

Yerli və əcnəbi gimnastların təqdim etdikləri biri-birindən zövqlü çıxış proqramları onlara dəstək olmaq üçün gələn tamaşaçılara maraqlı və xoş anlar yaşadıb.

Çoxnövçülükdə gənclər arasında Bakı Gimnastika Məktəbinin yetirməsi Nuray Əhmədzadə öz qələbəsini bayram edib. Sonrakı pillələrdə isə "Ocaq Sport” klubunun təmsilçiləri Şəms Ağahüseynova və Fidan Aladinova yer alıb. Gənc gimnastlarımız müvafiq olaraq 2-ci və 3-cü yerdə qərarlaşıblar.

Böyüklər yaş kateqoriyasında çıxış edən gimnastlarımız da öz çıxışlarını yüksək peşəkarlıqla təqdim ediblər. Qızlarımız xalça üzərində hakimlərin rəğbətini qazanmaq üçün qüsursuz çıxışlar nümayiş etdirməyə çalışıblar. Yekun nəticədə çoxnövçülük üzrə Azərbaycan çempionu adını millimizin təcrübəli gimnastı, "Ocaq Sport” klubunun yetirməsi Zöhrə Ağamirova qazanıb. Eyni klubun təmsilçiləri Alina Gözəlova və İlona Zeynalova müvafiq olaraq fəxri kürsünün ikinci və üçüncü pilləsində yer alıblar.

Hər iki yaş qrupunda fərdi gimnastlar arasında, həmçinin ayrı-ayrı alətlər üzrə (halqa, top, gürzlər, lent) də qaliblər müəyyənləşib.

Paylaşın

Dİgər xəbərlər

13.06.2026, 23:20

AOK-un 55-ci Baş Assambleyasına yekun vurulub

12.06.2026, 15:21

Avarçəkənimiz Avropa çempionu olub

$\"Real\" 32 saata Bernardo Silvanın transferini yekunlaşdırdı  $
12.06.2026, 13:54

"Real" 32 saata Bernardo Silvanın transferini yekunlaşdırdı

12.06.2026, 12:59

DÇ-2026 fərqli olacaq: 3 ev sahibi, 48 komanda, 104 oyun

12.06.2026, 11:46

Rövşən Nəcəf Dünya Korporativ Oyunlarının qalibi olan komanda ilə görüşüb

12.06.2026, 11:10

Sumqayıtda 3x3 basketbol üzrə beynəlxalq turnir keçiriləcək

12.06.2026, 10:53

Kişi voleybolçulardan ibarət millimiz Avropa Liqasında növbəti oyununu keçirəcək

12.06.2026, 09:36

Dünya Kuboku: Cənubi Koreyadan əzmkar qələbə

12.06.2026, 08:57

Stolüstü tennis üzrə Liqa turniri başa çatıb

12.06.2026, 01:28

Meksika Dünya Kubokunun açılış oyununda qalib gəldi

$Mourinyo yenidən \"Real\"da $
12.06.2026, 00:11

Mourinyo yenidən "Real"da

11.06.2026, 22:19

Basketbol millimiz dünya reytinqində ilk pilləyə yüksəlib