"Barselona" klubu futbol üzrə İspaniya La Liqasında növbəti qələbə qazanıb. Kike Setyenin baş məşqçi olduğu kollektiv Kataloniya derbisinə təsadüf edən 35-ci tur matçında "Espanyol"u minimal hesabla üstələyib. Yeganə qolu 56-cı dəqiqədə Luis Suares vurub. Gərgin mübarizə şəraitində keçən qarşılaşmanı hər iki komanda azlıqda bitirməli olub. 50-ci dəqiqədə "Barselona"dan Ansu Fati, 53-cü dəqiqədə isə "Espanyol"dan Pol Losano qırmızı vərəqə alıb. Bu qələbə sayəsində xalını 76-ya çatdıran "Barselona" lider "Real Madrid"lə xal fərqini minimuma endirib. Lakin "kral klubu" hələ hesabat turunun "Alaves"lə ev oyununa iyulun 10-da çıxacaq. "Espanyol" isə 24 xalla sonuncu pillədə qalıb və La Liqanı tərk edib.