XƏBƏR LENTİ
12 İyul 2025
11 İyul 2025
10 İyul 2025
09 İyul 2025
08 İyul 2025
07 İyul 2025
04 İyul 2025
03 İyul 2025
01 İyul 2025
27 İyun 2025
26 İyun 2025



Almaniyalı forvard​​ karyerasını bitirdi
İdman 18:02 / 29.06.2020

Futbol üzrə Almaniya milli komandasının sabiq hücumçusu Mario Qomes futbolçu karyerasını başa vurub.​

O, ötən gün "Ştutqart"ın heyətində peşəkar karyerasında sonuncu matçını keçirib.
İkinci Bundesliqada mövsümün son turu çərçivəsində "Darmştadt" ilə ev oyununa start heyətdə başlayan 34 yaşlı forvard, 82-ci dəqiqədə əvəzlənib. Komandasının 1:3 hesablı məğlubiyyətlə üzləşdiyi oyunda meydan sahiblərinin yeganə qolunu da məhz Qomes vurub.
Mario peşəkar futbolçu karyerasına məhz "Ştutqart"da başlayıb. Daha sonra o, "Bavariya", "Fiorentina", "Beşiktaş" və "Volfsburq" kimi klublarda da çıxış edib. 2017/18 mövsümünün dövrələrarası fasiləsi zamanı isə o, yenidən "Ştutqart"a qayıdıb.
Qeyd edək ki, Qomes üç dəfə Almaniya çempionu olub. O, 2010-cu ildə Almaniya millisinin heyətində dünya çempionatının bürünc medallarını qazanıb. Almaniyalı hücumçu 2015/16 mövsümündə "Beşiktaş"la da Türkiyə çempionu adını qazanıb, 26 qolla çempionatın bombardiri olub.


27799 oxunub

InvestAZ